Kişilərdən ibarət “Xilasedici” komandası CEV Çempionlar Liqasının ikinci təsnifat mərhələsində ilk oyununa çıxacaq.

Təmsilçimiz bu mərhələdə Portuqaliyanın “Sporting CP Lisboa” klubu ilə qarşılaşacaq. Komandalar arasında ilk görüş noyabrın 3-də Bakıda, FHN-nin idman zalında keçiriləcək.

Azturkxeber.az-ın məlumatına görə, qarşılaşma saat 18:00-da başlayacaq.

Qeyd edək ki, cütün cavab oyunu noyabrın 11-də Portuqaliyada təşkil olunacaq.

CEV Çempionlar Liqası-kişilər (2-ci təsnifat mərhələsi)

3 noyabr 2026 (1-ci oyun)

18:00. “Xilasedici” – “Sporting CP Lisboa”

Ünvan: FHN-nin idman zalı