Ədliyyə Nazirliyinin Ədliyyə Akademiyası Məhkəmə-Hüquq Şurasının müraciəti əsasında Ali Məhkəmənin Aparatının əməkdaşları üçün “Vətəndaşların müraciətlərinə baxılması qaydası və onlarla ünsiyyətin sosial-psixoloji aspektləri” mövzusunda təlim təşkil edib.

Azturkxeber.az xəbər verir ki, təlim zamanı vətəndaş müraciətlərinə baxılmasının hüquqi və prosessual qaydaları, müraciət edən şəxslərlə effektiv ünsiyyətin qurulması, psixoloji yanaşma üsulları, eləcə də münaqişəli situasiyaların idarə edilməsi məsələləri diqqətə çatdırılıb.

12 nəfərin iştirak etdiyi təlim çərçivəsində Ali Məhkəmənin Sənədlərlə və vətəndaşların müraciətləri ilə iş şöbəsinin müdiri Şahin Qəhrəmanovun təqdimatı dinlənilib.