Milli Hidrometeorologiya Xidmətinin iyulun 5-i saat 10:00-a olan məlumatına əsasən, ölkə ərazisinin bəzi yerlərində arabir şimşək çaxıb, yağış yağıb.

Xidmətdən bildiriblər ki, yağıntılar ayrı-ayrı yerlərdə qısamüddətli leysan xarakterli olub.

Düşən yağıntının miqdarı Gədəbəydə 18, Daşkəsəndə 17, Lerikdə 10, Gəncədə 9, Göygöl, Tovuzda 5, Balakəndə 4, Şəmkir, Şahbuzda 3, Cəbrayılda 2, Naxçıvan, Culfa, Qax, Zaqatala, Oğuz, İsmayıllı, Xaltan, Şahdağ, Mingəçevir, Göyçay, Yardımlı, Goranboy, Kəlbəcər, Laçın, Qubadlı, Şuşa, Xankəndi, Xocalı, Füzulidə 1 millimetr təşkil edib.