azturkxeber.az
http://azturkxeber.az

Ağdamda ilk dəfə Şəhər Günü qeyd olunur

20-11-2026

Şanlı Zəfərlə başa çatan 44 günlük Vətən müharibəsi nəticəsi olaraq 2020-ci il noyabrın 10-da imzalanmış üçtərəfli Bəyanata əsasən, Ağdam rayonu noyabrın 20-də Azərbaycana qaytarılıb.

Bu barədə Azturkxeber.az-a Mədəniyyət Nazirliyinin mətbuat xidmətindən məlumat verilib.

Bildirilib ki, Azərbaycan Respublikasının Prezidenti İlham Əliyevin 2023-cü il 31 iyul tarixli Sərəncamına əsasən, Ağdam şəhərinin işğaldan azad edildiyi gün – noyabrın 20-si Ağdam Şəhəri Günü elan olunub.

Noyabrın 20-də Ağdam şəhərində ilk dəfə Şəhər Günü münasibətilə silsilə tədbirlər keçirilir. Yenidən qurulan və sakinlərinin mərhələli şəkildə qayıdışının təmin olunduğu Ağdam şəhərində əsl bayram ab-havası yaşanır.

Mədəniyyət Nazirliyi və Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin təşkilatçılığı ilə keçirilən tədbirlər çərçivəsində "İmarət" Tarix-Memarlıq Muzey Kompleksində Qarabağ atlarının şousu təqdim edilib.

Tədbirdə hərbi orkestrin ifasında Üzeyir Hacıbəylinin “Arşın mal alan” operettasından musiqi nömrələri səsləndirilib, rəqs ansamblının çıxışları nümayiş olunub. Həmçinin süvarilər dəstəsinin Qarabağ atları üzərində göstərdiyi nümunəvi çıxışlar tamaşaçılar tərəfindən böyük maraqla qarşılanıb.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
«    November 2026    »
MonTueWedThuFriSatSun
 1
2345678
9101112131415
16171819202122
23242526272829
30