Fudokan Karate üzrə 28-ci Avropa Çempionatı: Azərbaycan karateçilərindən Avropada möhtəşəm nəticə
Rumıniyanın Sfantu Gheorghe şəhərində Fudokan karate üslubu üzrə böyüklər arasında 28-ci Avropa çempionatı, həmçinin uşaqlar, yeniyetmələr və gənclər arasında Avropa birinciliyi keçirilib.
Azturkxeber.az xəbər verir ki, yarışda Azərbaycan komandası Fudokan karate üslubu üzrə nümayəndə Vüsal Abdullazadə və üslub üzrə baş məşqçi Bəşir Mahmudovun rəhbərliyi altında çıxış edib.
Yarışda Babək Qələmzadə fərdi kumite üzrə böyüklər arasında mütləq çəki dərəcəsində bütün rəqiblərinə qalib gələrək Avropa çempionu adını qazanıb.
Avropa birinciliyində isə Elmir Kazımzadə (10-11 yaş, 40 kq), Qorxmaz Səfərli (14-15 yaş, 65 kq), Rəvan Şirinov (16-17 yaş, 65 kq), Elton Əliyev (16-17 yaş, 75 kq), Mehdi Abdullayev (16-17 yaş, +75 kq) və Tahir Ələkbərov (U-21, +75 kq) birinci yeri tutublar.
Ayxan Pirquluyev (16-17 yaş, 65 kq) üçüncü, Əli Hacıyev (U-21, 75 kq) isə ikinci yeri qazanıb.
Qeyd edək ki, yarışda Avropanın 22 ölkəsindən 985 idmançı iştirak edib.
Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
FHN komandasının üzvləri beynəlxalq yarışda uğurla çıxış ediblər
Vüsal Abdullazadə: “Azərbaycan bayrağını Pulavıda zirvədə dalğalandırmaq böyük qürurdur”
FHN-in karate komandasının üzvləri respublika çempionatında yüksək nəticələr əldə ediblər
ADA Universitetində Prezident İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib YENİLƏNİB
Azərbaycan Prezidenti İlham Əliyev yerli televiziya kanallarına müsahibə verib YENİLƏNİB
