Türkiyənin Antalya şəhərində BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində “Qadınlarla tullantısız dayanıqlı həyat” layihəsinin təqdimatı keçirilib.

Azturkxeber.az xəbər verir ki, təqdimat mərasimində Azərbaycanın Ailə, Qadın və Uşaq Problemləri üzrə Dövlət Komitəsinin sədri Bahar Muradova da iştirak edib.

Türkiyənin Ailə və Sosial Xidmətlər Nazirliyi və Sıfır Tullantı Fondu tərəfindən təşkil olunan tədbirdə qadınların dayanıqlı həyat tərzinin təşviqində rolu, tullantıların azaldılması, ekoloji məsuliyyətin artırılması və sıfır tullantı yanaşmasının gündəlik həyata inteqrasiyası məsələləri müzakirə olunub.