105 saylı Tovuz-Gədəbəy seçki dairəsi üzrə deputat Arzu Nağıyev 14 noyabr 2026-cı il tarixində Tovuz rayonunun Qovlar şəhərində vətəndaş qəbulu keçirib.

Azturkxeber.az-ın məlumatına görə, qəbul zamanı vətəndaşlar tərəfindən əsasən sosial, məşğulluq, torpaq və digər məsələlərlə bağlı müraciətlər səsləndirilib.

Deputat müraciətləri dinləyərək qaldırılan məsələlərlə bağlı aidiyyəti qurumlar qarşısında məsələ qaldıracağını və problemlərin həlli istiqamətində müvafiq səylər göstərəcəyini bildirib.

Vətəndaş məmnuniyyətinin təmin edilməsi və əhalinin müraciətlərinin operativ şəkildə araşdırılması məqsədilə bu istiqamətdə qəbulların davam etdiriləcəyi qeyd olunub.

Növbəti vətəndaş qəbullarının keçirilməsi ilə bağlı məlumatları Milli Məclisin rəsmi internet saytından izləmək mümkündür.

Azturkxeber.az