2026-cı ilin aprel ayında Bakı metrosu ümumilikdə 20 510 029 sərnişinə xidmət göstərib.

Azturkxeber.az-ın məlumatına görə, bu göstərici ötən ilin eyni dövrü ilə müqayisədə 0,11% artım deməkdir.

Ayın ən çox istifadə olunan stansiyası Koroğlu stansiyası olub. Aprel ərzində stansiyadan 1 824 773 sərnişin istifadə edib.

Statistikaya əsasən, 2026-cı ilin ilk dörd ayı üzrə ən yüksək sərnişin axını qeydə alınan günlərin ikisi məhz aprel ayına təsadüf edib:

3 aprel – 819 536 sərnişin

18 fevral – 818 376 sərnişin

2 aprel – 802 283 sərnişin

Elektron ödənişlər sahəsində də artım müşahidə olunur. NFC texnologiyası vasitəsilə ödəniş edən sərnişinlərin sayı 8 057 376 nəfər olub ki, bu da ümumi ödənişli sərnişinlərin 40,3%-ni təşkil edir.

Bununla yanaşı, “Əlçatan metro” xidmətindən istifadə də artıb. Aprel ayında bu xidmət üzrə 236 sifariş qeydə alınıb ki, bu da ötən ilin eyni dövrü ilə müqayisədə 35,6% çoxdur.