Ədliyyə Nazirliyinin Məhkəmə Ekspertizası Mərkəzinin Müsabiqə Komissiyası müvafiq ixtisaslar üzrə vakant ştat vahidlərinin tutulması məqsədilə növbəti açıq müsabiqə elan edib.

  Azturkxeber.az xəbər verir ki, vakant vəzifələr, ixtisas tələbləri, ərizə forması və təqdim edilməli sənədlərin siyahısı ilə Ədliyyə Nazirliyinin rəsmi internet saytında tanış olmaq mümkündür.

Müsabiqədə “Ədliyyə orqanlarında qulluq keçmə haqqında” Qanunun tələblərinə cavab verən, ali təhsilli, zəruri nəzəri və peşə hazırlığına malik Azərbaycan Respublikası vətəndaşları iştirak edə bilərlər.

Namizədlər 2026-cı il noyabrın 16-dan dekabrın 16-sı saat 18:00-dək, iş günləri və iş saatları ərzində müəyyən edilmiş ərizə formasını və digər zəruri sənədləri aşağıdakı ünvanlara təqdim edə bilərlər:

• Məhkəmə Ekspertizası Mərkəzinin inzibati binası: Bakı şəhəri, Xaqani küçəsi 24. Tel: (012) 498-09-71;
• Gəncə regional şöbəsi: Gəncə şəhəri, Kəpəz rayonu, V.Xuluflu küçəsi 11. Tel: (+99455) 656-28-12;
• Şəki regional şöbəsi: Şəki şəhəri, Salman Mümtaz küçəsi 316. Tel: (+99470) 297-18-11;
• Şirvan regional şöbəsi: Şirvan şəhəri, 20 Yanvar küçəsi 16. Tel: (02121) 5-55-91, (+994993) 66-19-93;
• Sumqayıt regional şöbəsi: Sumqayıt şəhəri, Nəriman Nərimanov küçəsi, 29-cu məhəllə, 7/22. Tel: (+99451) 695-13-01.

Müsabiqə ilə bağlı ətraflı məlumat əldə etmək üçün qeyd olunan telefon nömrələri ilə əlaqə saxlamaq mümkündür.