Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə BMT-nin Qərbi Asiya üzrə İqtisadi və Sosial Komissiyası, Cibuti Respublikasının Rəsmiləşdirmə və Sosial Müdafiə üzrə Əmək Nazirliyi, həmçinin Şri-Lanka Demokratik Sosialist Respublikasının Dövlət İdarəçiliyi, Əyalət Şuraları və Yerli Özünüidarəetmə Nazirliyi arasında dövlət xidmətlərinin göstərilməsi sahəsində əməkdaşlığa dair anlaşma memorandumları imzalanıb.

Azturkxeber.az xəbər verir ki, BMT-nin Qərbi Asiya üzrə İqtisadi və Sosial Komissiyası ilə imzalanan memorandum ASAN xidmət təcrübəsinin Komissiyaya üzv 21 dövlətlə paylaşılmasını, eləcə də bu istiqamətdə əməkdaşlığın təşviqini nəzərdə tutur.

Şri-Lanka və Cibuti ilə imzalanan sənədlər isə “ASAN xidmət” modelinin və qabaqcıl təcrübəsinin həmin ölkələrdə tətbiqini ehtiva edir.

Anlaşma memorandumlarının imzalanması Bakıda keçirilən “Birləşmiş Millətlər Təşkilatının (BMT) İdarəetmə İnnovasiyaları Sammiti: Gələcəyə Hazır Təsisatların İnkişafı” adlı beynəlxalq sammit çərçivəsində baş tutub.