Ölkə üzrə bütün avtovağzal və avtostansiyalar bayram günlərində gücləndirilmiş iş rejimində fəaliyyət göstərib.

Azturkxeber.az xəbər verir ki, 6-10 noyabr tarixlərində BBAK-dan 1 280 reys həyata keçirilib, 37 707 sərnişin rahat və təhlükəsiz şəkildə mənzil başına çatdırılıb.

Bölgə avtovağzallarından müxtəlif istiqamətlərə, o cümlədən paytaxta 4 535 reys təşkil olunub. Bu reyslər vasitəsilə 55 197-yə yaxın sərnişin daşınıb.

Sərnişin tələbatının təmin edilməsi məqsədilə əlavə olaraq 220-dən çox reys həyata keçirilib.

Beləliklə, bayram günlərində Bakıdan bölgələrə və əks istiqamətdə sərnişindaşıma tələbatı tam şəkildə qarşılanıb.