Ədliyyə Nazirliyi və ADA məktəbi arasında əməkdaşlıq çərçivəsində məktəbin 10-cu sinif şagirdləri üçün infotur təşkil olunub. 

AzTurkxeber.az xəbər verir ki, bu barədə Ədliyyə Nazirliyinin mətbuat xidmətindən məlumat verilib. 

Tədbir çərçivəsində şagirdlər Nazirliyin fəaliyyət istiqamətləri barədə ətraflı məlumat əldə ediblər. İnteraktiv formatda keçirilən təqdimat zamanı hüquq sahəsinə maraq göstərən şagirdlərin sualları cavablandırılıb, onlara gələcəkdə hüquqşünas kimi fəaliyyət göstərmək imkanları barədə geniş məlumat verilib. 
Daha sonra məktəblilər “Ədliyyə tarixi” muzeyinə baş çəkərək Azərbaycan ədliyyəsinin tarixi barədə eksponatlarla tanış olublar.
Səfərin sonunda məktəblilər Ədliyyə Nazirliyinin əməkdaşları ilə xatirə şəkli çəkdiriblər. Bu kimi infoturlar gənclərin hüquq sahəsinə marağını artırmaq, onların peşə seçiminə dəstək vermək və hüquqşünaslıq sahəsində gələcək kadrların yetişməsinə töhfə vermək baxımından mühüm əhəmiyyət kəsb edir.