Vatikanın nüfuzlu şəxslərindən biri olan kardinal Canfranko Ravasi istisna etmir ki, Papa Fransisk səhhəti ilə əlaqədar vəzifələrini yerinə yetirə bilməyəcəyi təqdirdə sələfi XVI Benedikt kimi Müqəddəs Taxt-Tacdan imtina edə bilər.

Azturkxeber.az xarici mediaya istinadla xəbər verir ki, kardinal “Corriere della Sera” qəzetinə müsahibəsində bildirib ki, Fransisk bu il Roma Katolik Kilsəsinin qeyd etdiyi “Xristianlığın Yubileyi İli”ni başa çatdırmaq istəyir. P Əlavə edib: “Papa Fransisk vəzifələrini yerinə yetirməkdə çətinlik çəksə, o zaman öz seçimini edəcək. Düşünürəm ki, o, istefa vermək qərarına gələ bilər. Qərar vermək onun ixtiyarındadır, son söz onundur. Papanın yubiley ilini keçirmək arzusu var. Bu, onun üçün vacibdir”.

Qeyd edək ki, 88 yaşlı Fransisk fevralın 14-dən xəstəxanadadır və ona ikitərəfli pnevmoniya diaqnozu qoyulub. Mediada pontifikin gözlənilməz ölümü ilə bağlı çoxlu fərziyyələr var ki, bu da qarşıdan gələn konklav (Papaya kardinalların qapalı seçilməsi) haqqında müxtəlif fərziyyələrə səbəb olur.

İtaliya Yepiskopları Konfransının rəhbəri kardinal Matteo Zuppi Roma Papası Fransiskin səhhəti ilə bağlı ümidverici sözlər deyib: “Hamımız narahatıq, lakin onun ayağa qalxması, qəzet oxuması və ziyarətçiləri qəbul etməsi (çərşənbə günü İtaliyanın Baş naziri Corcia Meloni onu ziyarət edib) ümidlərimizi artırır”.