Artıq 61 ölkə Serbiyanın paytaxtı Belqradın ev sahibliyi edəcəyi “Expo 2027” ixtisaslaşdırılmış sərgisində iştirakını təsdiqləyib.

Bunu Serbiya Prezidenti Aleksandar Vuçiç deyib.

“Serbiya rekordu qırmağa - 130-dan çox ölkəni bu ixtisaslaşdırılmış sərgiyə cəlb etməyə çalışacaq. Artıq 61 ölkədən “Expo 2027”də iştirakla barədə rəsmi təsdiq almışıq. İnanıram ki, 130-dan çox ölkəni keçəcəyik. Biz rekordu qıracağımıza ümid edirik”, - deyə Serbiya Prezidenti bildirib.

Aleksandar Vuçiç Serbiyanın hər kəsin təsəvvür edə biləcəyi bütün rekordları qırmağa müvəffəq olacağına inandığını vurğulayıb.

Qeyd edək ki, 2027-ci il mayın 15-dən avqustun 15-dək Belqradda “Expo 2027” ixtisaslaşdırılmış sərgisi keçiriləcək.