Yaponiya hökuməti polad və alüminium məhsullarına ABŞ Prezidenti Donald Trampın tətbiq etdiyi 25 faizlik gömrük rüsumlarından azad edilməsini istəyib.

Bununla bağlı “Kyodo News” agentliyi məlumat yayıb. Nazirlər Kabinetinin Baş katibi hökumətin bu tələbi Yaponiyanın ABŞ-dakı səfirliyi vasitəsilə etdiyini söyləyib.

Ağ evin məlumatına görə, tariflər martın 12-dən qüvvəyə minəcək.

Qeyd edək ki, ABŞ-ın bir sıra ticarət tərəfdaşlarına, o cümlədən Yaponiyaya Trampın sələfi Co Baydenin rəhbərliyi altında rüsumsuz kvotalar verilib. Lakin Tramp bazar ertəsi istisnaları aradan qaldıran bəyannamələr imzalayıb.