Anqolada bu il 3402 nəfər vəba xəstəliyinə yoluxub. Onlardan 114-ü ölüb.

Ölkənin Səhiyyə Nazirliyi bununla bağlı açıqlama yayıb. Bildirilib ki, fevralın 1-dən etibarən Anqolada hər gün 100-dən çox yeni vəba hadisəsi qeydə alınır. Bununla belə, infeksiyaları təsdiqləmək üçün laboratoriya testləri məhdud olaraq qalır və gündə cəmi 20 nümunə təhlil edilə bilir.

Yanvarın 7-dən bəri xəstəlik Luanda və qonşu Benqo əyaləti olmaqla bir çox əyalətə yayılıb.

Qeyd edək ki, bazar ertəsi Səhiyyə Nazirliyinin epidemioloji bülleteninə əsasən, 925 mindən çox insan vəbaya qarşı peyvənd olunub. Bu nəticə hədəf üçün nəzərdə tutulan əhalinin 86 faizini əhatə edir.