Kişi voleybolçulardan ibarət “Xilasedici” klubu noyabrın 11-də CEV Çempionlar Liqasının 2-ci təsnifat mərhələsinin cavab oyununda Portuqaliyanın “Sporting CP Lisboa” komandası ilə qarşılaşıb.

Azturkxeber.az xəbər verir ki, portuqaliyanın Lissabon şəhərində keçirilən görüşdə “Xilasedici” meydan sahiblərinə 3:2 hesabı ilə qalib gəlib. Tərəflər hərəyə bir qələbə qazandığından növbəti mərhələnin iştirakçısı qızıl setdə müəyyənləşib. Əzmkar mübarizə aparan “Xilasedici” qızıl setdə də qalib gəlib - 15:13.

Beləliklə, cavab oyununda və qızıl setdə qalib gələn “Xilasedici” CEV Çempionlar Liqasının 3-cü təsnifat mərhələsinə vəsiqə qazanıb. “Xilasedici” bu mərhələdə Sloveniyanın “ACH Volley Ljubljana” və Niderlandın “Orion Stars DOETINCHEM” cütünün qalibi ilə qarşılaşacaq.

CEV Çempionlar Liqası-kişilər (2-ci təsnifat mərhələsi)

11 noyabr 2026 (2-ci oyun)

“Sporting CP Lisboa” – “Xilasedici” 2:3 (25:21, 18:35, 25:22, 21:25, 13:15)

Qızıl set - 13:15

Ünvan: Portuqaliya, Lissabon

3 noyabr 2026 (1-ci oyunun nəticəsi)

“Xilasedici” – “Sporting CP Lisboa” 2:3 (23:25, 25:19, 25:23, 23:25, 10:15)

Ünvan: Bakı, FHN-nin idman zalı

“ORDU” CEV Çelenc Kubokuna qələbə ilə başladı

Kişi voleybolçulardan ibarət “ORDU” klubu 2026–2027-ci illər mövsümündə CEV Çelenc Kubokunda mübarizəyə başlayıb.

1/32 final mərhələsinin ilk oyununda Norveçdə yerli “Forde VBK” klubunun qonağı olan təmsilçimiz rəqibini 3:0 hesabı ilə məğlub edərək turnirə qələbə ilə start verib.

Cütün cavab qarşılaşması noyabrın 19-da saat 18:00-da Bakıda, GİN-in Voleybol Mərkəzində keçiriləcək.

CEV Çelenc Kuboku-kişilər (1/32 final mərhələsi)

11 noyabr 2026 (1-ci oyun)

“Forde VBK” – “ORDU” 0:3 (11:25, 17:25, 19:25)

Ünvan: Norveç, Forde