Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun İdarə Heyətinin sədri Elməddin Qəribov Naxçıvan şəhərindən olan, 2020-ci ildə Qubadlı rayonu istiqamətində gedən döyüşlər zamanı şəhidlik zirvəsinə yüksələn mayor Sadiq Həsənovun ailəsini ziyarət edib.

Azturkxeber.az xəbər verir ki, Elməddin Qəribov şəhid, mayor Sadiq Həsənovun vətənə əmanət övladı İnci Həsənzadənin doğum günündə iştirak edib, təbriklərini çatdırıb.

Prezident İlham Əliyevin Sərəncamları ilə şəhid, mayor Sadiq Həsənov “Vətən uğrunda”, “İgidliyə görə”, “Cəbrayılın azad olunmasına görə”, “Xocavəndin azad olunmasına görə” və “Qubadlının azad olunmasına görə” medalları ilə təltif olunub.

Görüş zamanı şəhidlərimizin əziz xatirəsinin daim qəlbimizdə yaşayacağı vurğulanıb. Bildirilib ki, Prezident İlham Əliyevin tapşırığına əsasən şəhid ailələri ilə bağlı geniş miqyaslı sosial dəstək tədbirləri həyata keçirilir.

Allah bütün şəhidlərimizə rəhmət eləsin!