Azərbaycan Respublikasının İnsan Hüquqları üzrə Müvəkkilinin (Ombudsmanın) təşəbbüsü ilə elan olunmuş “İnsan Hüquqları Aylığı” çərçivəsində Daxili İşlər Nazirliyinin Polis Akademiyasında “Müasir dövrdə insan hüquqları: qlobal çağırışlar və yeni yanaşmalar” mövzusunda dəyirmi masa keçirilib.

Azturkxeber.az xəbər verir ki, müxtəlif dövlət qurumlarının nümayəndələrinin qatıldığı həmin tədbirdə Ombudsman Aparatının Bərabərlik və ayrı-seçkilik üzrə monitorinq şöbəsinin müdiri Cavidan Qorçiyev iştirak edib.

Dəyirmi masada “Azərbaycan Respublikasının Konstitusiyasına əsasən ayrı-seçkiliyin yolverilməzliyi və bu sahədə Ombudsmanın fəaliyyəti” adlı məruzə ilə çıxış edən C.Qorçiyev Ombudsmanın bərabərlik hüququnun təmin edilməsi və ayrı-seçkiliyin qarşısının alınması sahəsində müstəqil monitorinq mexanizmi mandatı ilə bağlı ətraflı məlumat verib, bu fəaliyyət çərçivəsində həyata keçirilmiş tədbirlər barədə nümunələri iştirakçıların diqqətinə çatdırıb.