“Tütün və tütün məmulatları haqqında Qanun”a edilən dəyişikliklərə əsasən, 1 aprel 2026-cı il tarixindən etibarən Azərbaycanda elektron siqaretlərin istifadəsi qadağan olunur.

Azturkxeber.az xəbər verir ki, bu barədə ADY mətbuat xidmətindən verilən məlumata görə, inzibati Xətalar Məcəlləsinə uyğun olaraq, qeyd olunan tarixdən etibarən qatarlarda, dəmiryol vağzallarında, yerüstü qapalı və yeraltı piyada keçidlərində elektron siqaret istifadə edən şəxslər 30 manat məbləğində cərimə ediləcək.

Elektrik qatarları ətraf mühitin qorunmasına töhfə verir. Elektron siqaret isə sağlamlığa zərər vurur. Elektrik qatarlarından istifadə edərək həm təbiətə, həm də öz sağlamlığınıza qayğı göstərin.