“Real TV”də Mir Şahinin təqdimatında yayımlanan “Milli namus məsələsi” sənədli filmində Azərbaycan Prezidentinin ailəsi barədə yalan məlumatlar yayaraq şantaj edən Fərid Salmanovun da müsahibəsi yer alıb.

Azturkxeber.az xəbər verir ki, o, müsahibəsində xaricdə olduğunu deyib.

“Azərbaycanda deyildim, xaricdə idim. Oradan tələblərimi irəli sürmüşdüm. Bu videolar ortaya çıxanda, Mehman Hüseynov bunun ortaya çıxacağı ilə bağlı məlumat verəndə onunla əlaqə saxladım. İstədim ki, bu materialları özüm görüm. Ancaq o mənə cavab vermədi.

Qısa müddət sonra Elman Əliyev və Zəki Səlimov mənimlə əlaqə saxladılar. Mənə vatsap vasitəsilə materialları göndərdilər. Materialları görəndə Alena Əliyeva olduğuna inanmadım, ona bənzətmədim. Elman Əliyev isə dedi ki, bu Alena Əliyevanın videosudur.

Bu hərəkəti elədiyimə görə peşmanam. Bu düzgün deyildi”, - o qeyd edib.