DİN-in Mətbuat Xidmətindən verilən məlumata görə, iyunun 15-də ölkə ərazisində qeydə alınmış 33 cinayətin, eləcə də əvvəlki dövrlərdən bağlı qalmış 10 cinayətin açılması polis əməkdaşları tərəfindən təmin olunub.

Həmçinin axtarışda olan ümumilikdə 70 nəfər, o cümlədən borclu şəxs qismində axtarılan 37 nəfər saxlanılaraq aidiyyəti üzrə təhvil verilib.

Hesabat dövründə narkotiklərlə əlaqəli 7 fakt, qanunsuz saxlanılan silah və sursatın aşkarlanaraq götürülməsi ilə bağlı isə 17 fakt müəyyən edilib.

Bundan başqa, cinayət törətməkdə şübhəli bilinən 50 nəfər saxlanılıb.