İtaliyanın Montesilvano şəhərində yeniyetmələr arasında şahmat üzrə dünya çempionatı keçiriləcək. 14, 16 və 18 yaş kateqoriyaları üzrə təşkil olunacaq nüfuzlu yarışda 86 ölkənin şahmatçıları mübarizə aparacaq.

Azturkxeber.az xəbər verir ki,Azərbaycan millisi çempionatda baş məşqçi Fərid Abbasovin rəhbərliyi altında təmsil olunacaq. Yığmanın heyətində Xaqan Əhməd, Tunar Davudov, Fərid Orucov, Paşam Əlizadə, Şəmsi Qaraxanov, Nərmin Abdinova, Lalə Hüseynova və Zəhra Allahverdi yer alıblar.

Dünya çempionatında ilk turun görüşləri sabah keçiriləcək. Yarışa iyunun 26-da yekun vurulacaq.