12 iyun 2026-cı il tarixində Bakı şəhərində keçirilən Çövkən üzrə 2-ci Dünya Çempionatının yarımfinal mərhələsində Azərbaycan və Uruqvay milli komandaları qarşılaşmışdır.

Azturkxeber.az-ın məlumatına görə, böyük maraqla izlənilən görüşdə Azərbaycan millisi yüksək oyun intizamı, əzmkar mübarizəsi və üstün performansı ilə seçilmişdir.

Qarşılaşma boyunca oyuna nəzarəti əlində saxlayan komandamız rəqib qapısından 3 cavabsız top keçirərək Uruqvay millisi üzərində 3:0 hesablı inamlı qələbə qazanmışdır.

Qazanılan möhtəşəm qələbə nəticəsində Azərbaycan millisi Çövkən üzrə 2-ci Dünya Çempionatının final mərhələsinə vəsiqə qazanmışdır.

Beləliklə, komandamız dünya çempionluğu uğrunda həlledici mübarizəyə yüksələrək Azərbaycanın idman salnaməsinə növbəti parlaq səhifə yazmışdır.

Final görüşündə milli komandamızın əsas hədəfi ölkəmizə dünya çempionluğu titulunu qazandırmaq olacaqdır.