Fövqəladə Hallar Nazirliyinin Bakı Regional Mərkəzinin təşkilatçılığı ilə 2026-cı ilin tədbirlər planına uyğun olaraq Səbail rayonunda mülki müdafiə vəziyyətinin kompleks yoxlanılmasının nəticələrinə dair tədbir keçirilib.

Azturkxeber.az xəbər verir ki, tədbirdə FHN-in aidiyyəti qurumlarının, Bakı Regional Mərkəzinin və Səbail Rayon İcra Hakimiyyətinin rəhbər şəxsləri, yerli özünüidarəetmə orqanlarının, aidiyyəti rayon xidmətlərinin, təhsil müəssisələrinin və mənzil-kommunal təsərrüfatı təşkilatlarının məsul əməkdaşları iştirak ediblər.

Görüşdə kompleks yoxlama çərçivəsində görülmüş işlər, əldə olunan nəticələr və aşkar edilmiş çatışmazlıqlar barədə məlumat verilib, onların aradan qaldırılması yolları müzakirə olunub.