Türkiyə Prezidentinin baş müşaviri Oqtay Saralın vəzifədən ayrılması ilə bağlı xəbərlər təsdiqlənib.

Azturkxeber.az xəbər verir ki, bu barədə türk jurnalist Talat Atilla məlumat yayıb. Jurnalistin sözlərinə görə, Oqtay Saral onunla söhbətində vəzifədən ayrıldığını etiraf edib.

Oqtay Saral açıqlamasında bunları deyib:

"Bəli. Postlarımızda daimi deyilik. Hörmətli Prezidentimiz məni vəzifəyə gətirdi, onun göstərişi ilə ayrıldım. Heç kimdən incikliyim yoxdur".

Jurnalistin "Azərbaycanla bağlı açıqlamalarınıza görəmi?" sualına isə Saral belə cavab verib:

"Bəli, elə görünür. Əsas olan Türkiyə Cümhuriyyətidir. Əsas olan hörmətli Prezidentimizin uğurudur".

Qeyd edək ki, Oqtay Saral bir müddət əvvəl Azərbaycanla bağlı qalmaqallı açıqlamaları ilə gündəmə gəlmişdi.

Azturkxeber.az