XII Bakı Beynəlxalq Kitab Sərgisi çərçivəsində bu gün, saat 14:00-da, Bakı Ekspo Mərkəzində Azərbaycan Respublikasının İnsan Hüquqları üzrə Müvəkkili (Ombudsman) təsisatının təqdimatı keçiriləcək.

Azturkxeber.az xəbər verir ki, təqdimat zamanı iştirakçılar hüquqi nəşrlərlə tanış olmaq, insan hüquqları sahəsində məlumatlılıqlarını artırmaq və mövzu ətrafında fikir mübadiləsi aparmaq imkanı əldə edəcəklər.

Sərgi ziyarətçiləri təqdimatda əyani iştirak etməyə, digər maraqlanan şəxslər isə tədbiri təsisatın sosial media hesabları vasitəsilə onlayn izləməyə dəvət olunurlar.

İştirakçılar təqdimat zamanı sual və təkliflərini bölüşə, müzakirələrə qoşula bilərlər.