Elm və Təhsil Nazirliyi süni intellekt və kibertəhlükəsizlik sahələrinin inkişafını sürətləndirmək məqsədilə qrant müsabiqəsi elan edib.

Azturkxeber.az-ın məlumatına görə, müsabiqədə Elm və Təhsil Nazirliyinin tabeliyində fəaliyyət göstərən elmi müəssisələrdə çalışan alimlər, tədqiqatçılar və mütəxəssislər iştirak edə bilərlər.

Müsabiqəyə qatılmaq istəyən şəxslər tələb olunan sənədləri 20 oktyabr 2026-cı il tarixindən etibarən elektron platforma vasitəsilə təqdim etməlidirlər.

Müraciətin qəbul edilməsi təsdiqləndikdən sonra sənədlərin çap olunmuş nüsxələri ən geci 2 noyabr 2026-cı il tarixinədək Elm və Təhsil Nazirliyinə təqdim olunmalıdır.