2026-cı ilin mart ayında Bakı Metropoliteni ümumilikdə 18 269 887 sərnişinə xidmət göstərib. Bu göstərici ötən ilin eyni dövrü ilə müqayisədə 1,1% artım deməkdir.

Azturkxeber.az-ın məlumatına görə, ən yüksək sərnişin axını martın 6-da qeydə alınıb. Həmin gün metrodan 796 734 nəfər istifadə edib.

Novruz bayramı günlərində mərkəz istiqamətində sərnişin axını nəzərəçarpacaq dərəcədə yüksəlib. Martın 21-22-də Sahil stansiyası metronun ən işlək nöqtəsi olub və burada sərnişin sayı gündəlik ortalamadan 51% daha çox olub.

Sərnişinlərin təxminən üçdə biri artıq NFC texnologiyası ilə ödəniş edir ki, bu da rəqəmsallaşmanın sürətlə davam etdiyini göstərir.

Qurum sərnişinlərə müraciət edərək bildirir ki, mart ayında metrodan neçə dəfə istifadə etdiklərini şərhlərdə paylaşa bilərlər.