Azərbaycanda qida sənayesinin aparıcı şirkətlərindən olan “Azərsun Holdinq” bayram günlərində də sosial məsuliyyət ənənəsinə sadiq qalaraq həssas qrupdan olan ailələrə xüsusi diqqət göstərərək onları bayram sovqatı ilə sevindirib.

Artıq 35 ilə yaxındır ki, ölkənin sosial-iqtisadi inkişafına mühüm töhfələr verən “Azərsun Holdinq” xalqın rifahının yüksəldilməsini fəaliyyətinin əsas prioritetlərindən biri hesab edir. Şirkətin həyata keçirdiyi bu sosial təşəbbüs aztəminatlı ailələrə həm maddi, həm də mənəvi dəstək olmaqla onların bayram sevincini artırmağa xidmət edir.

Qeyd edək ki, “Azərsun Holdinq” ölkə iqtisadiyyatının inkişafında, qeyri-neft sektorunun gücləndirilməsində və məşğulluğun artırılmasında mühüm rol oynayır. Holdinqin istehsal etdiyi qida və digər istehlak məhsulları yalnız yerli bazarda deyil, ölkə xaricində də yüksək qiymətləndirilir.