Diplomatik xidmət orqanlarının rəhbərlərinin IX müşavirəsinin “Məhkəmə prosesləri üzrə strategiyalar” mövzusunda üçüncü paneli Azərbaycanın xarici işlər nazirinin müavini Elnur Məmmədov və Azərbaycanın Baş prokurorunun birinci müavini Elçin Məmmədovun əsas natiqlər qismində iştirakı ilə baş tutub.

Panel müzakirəsi çərçivəsində Azərbaycan ərazilərinin işğalı, habelə keçmiş Ermənistan-Azərbaycan münaqişəsi zamanı Ermənistan tərəfindən törədilmiş cinayətlərlə bağlı ölkəmiz tərəfindən başladılan beynəlxalq məhkəmə prosesləri, habelə Ermənistanın hərbi təcavüzü nəticəsində çoxsaylı cinayətlər törətməkdə təqsirləndirilən şəxslərin məhkəmə prosesindən bəhs olunub.