Biləsuvar rayonunda fəaliyyət göstərən Mübariz Təhsil Kompleksində xalqımızın milli bayramı olan Novruz münasibətilə tədbir təşkil olundu. Bayram tədbirində Milli Məclisin deputatı Günay Ağamalı iştirak edib.

Tədbirdə çıxış edən deputat Günay Ağamalı iştirakçıları və məktəb kollektivini Novruz bayramı münasibətilə səmimi qəlbdən təbrik edib, onlara can sağlığı, əmin-amanlıq və bol ruzi-bərəkət diləyib. O, Novruzun milli birlik və həmrəyliyi təcəssüm etdirdiyini vurğulayaraq, bu bayramın xalqımızın zəngin mədəni irsinin əvəzsiz nümunələrindən biri olduğunu qeyd edib.