Beynəlxalq Osmanlı Tədqiqatları Komitəsinin İdarə Heyətinin üzvü, Türk dünyasının böyük alimi İlbər Ortaylı Bakı səfəri ilə bağlı yazıb.

"Mən bu həftə Bakıda səfərdə idim. Azərbaycan Respublikasının İnsan Hüquqları üzrə Müvəkkili (Ombudsman) Səbinə xanım Əliyeva Azərbaycan Respublikasının Prezidenti yanında Dövət İdarəçilik Akademiyasında baş tutan konfransa dəvət etmişdi".

"Səbinə Əliyeva öz biliyi və zərifliyi ilə türk dünyamızda heyranlıq duyulan portretlərdən biridir. Gənc nəslin qürurlu üzvüdür. Bakının iqlimi sərtdir və küləklidir. Amma mənəvi hava ilə ürəyim açıldı", - o qeyd edib.

İlbər Ortaylı Bakı səfəri zamanı Azərbaycan Yazıçılar Birliyinin sədri Anar Rzayev və xalq yazıçısı Elçin Əfəndiyev ilə görüşdüyünü də vurğulayıb.