Bu il Azərbaycan Avropa Otellər və Restoranlar Assosiasiyasının (HOTREC) regionda və Şərqi Avropada birinci tamhüquqlu üzvü olur. Bu, böyük nailiyyətdir, belə ki, Azərbaycan Turizm Şurası nəzdində otellərin ulduz təsnifatı orqanı əsasən unikal Avropa sistemi olan meyarların keyfiyyətlə yerinə yetirilməsinə nəzarət edir.

Bunu Azərbaycan Turizm Şurasının baş icraçı direktoru Florian Zenqstşmid deyib.

O qeyd edib: “Hazırda əsasən Bakı, Abşeron və Sumqayıtda 200-dən çox otel ulduz təsnifatına malikdir və bu il payızda keçiriləcək MDB Oyunlarını nəzərə alaraq, regionlarda da fəaliyyətimizi genişləndiririk. Bizim səylərimiz regionlarda daha çox otellərin olmasına və ən yaxşı standartların tətbiqinə yönəlib”.