Azərbaycanın daha 3 taekvondoçusu Antalya şəhərində keçirilən G-2 kateqoriyalı Türkiyə Açıq beynəlxalq turnirində medal qazanıb.

Taekvondo Federasiyasından verilən məlumata görə, milli komandanın üzvləri Xanoğlan Kərimov (68 kiloqram), Cavad Ağayev (80 kiloqram) və Həmidreza Bədrialiabadi (+87 kiloqram) böyüklər arasında 3-cü yeri tutublar.

Medala gedən yolda X.Kərimov 4, H.Bədrialiabadi və C.Ağayev isə 3 rəqibi üzərində qələbə qazanaraq fəxri kürsüyə qalxıblar.

Qeyd edək ki, daha əvvəl böyüklər arasında Mədinə Əkbərova (46 kiloqram) bürünc medal əldə edib.