Azərbaycanın Milli Qəhrəmanı, general-mayor Polad Həşimovun anası Səmayə Həşimovanın səhhətində ciddi problemlər yaranıb.

 Azturkxeber.az xəbər verir ki, bu barədə Milli Qəhrəmanın bacısı Kəmalə Həşimova məlumat verib.

Onun sözlərinə görə, Səmayə Həşimova hazırda Sumqayıt Şəhər 2 nömrəli Xəstəxanada müalicə alır.

Kəmalə Həşimova bildirib ki, anasının səhhətində yaranan problemlər səbəbindən onu xəstəxanaya yerləşdirmək məcburiyyətində qalıblar. Belə ki, onda şəkərli diabet, böyrək və ürək çatışmazlığı, eləcə də digər daxili orqanlarla bağlı ciddi problemlər yaranıb.

O qeyd edib ki, hazırda anasının vəziyyətində müəyyən irəliləyiş müşahidə olunur.