Naxçıvan Hava Limanının İran pilotsuz uçuş aparatlarının hücumları səbəbindən müvəqqəti bağlanmasından sonra Azərbaycan Hava Yolları (AZAL) aviaşirkətinin Iğdır Hava Limanına enən ilk reysi Türkiyədə gül-çiçəklə qarşılanıb.

Azturkxeber.az xəbər verir ki, Türkiyə tərəfi sərnişinləri və ekipaj üzvlərini səmimi şəkildə qarşılayaraq onlara çiçəklər təqdim edib. Bu addım iki qardaş ölkə – Azərbaycan və Türkiyə arasında həmrəyliyin və dəstəyin növbəti nümunəsi kimi qiymətləndirilir.

Xatırladaq ki, İranın pilotsuz uçuş aparatlarının hücumları fonunda təhlükəsizlik səbəbilə Naxçıvan Beynəlxalq Hava Limanının fəaliyyəti müvəqqəti dayandırılıb. Bununla əlaqədar olaraq bəzi reyslər alternativ olaraq Iğdır şəhərinə yönləndirilib.