Daxili İşlər Nazirliyinin (DİN) mətbuat xidmətindən verilən məlumata görə, onlardan 6 kiloqrama yaxın narkotik vasitə - marixuana aşkarlanaraq götürülüb. Həmin şəxslər narkotikləri paytaxt ərazisində ayrı-ayrı ünvanlara yerləşdirərək satışını təşkil etməyi planlaşdırıblar.

Nərimanov rayonunda polis əməkdaşlarının həyata keçirdikləri digər tədbir nəticəsində ev və hotellərdən silsilə oğurluqlar edən Aysel Zeynalova və Vüsal Zeynalov saxlanılıblar. Onlar paytaxt sakini olan üç vətəndaşdan ümumilikdə 276 min manat dəyərində qızıl-zinət əşyaları, 1000 manat və 2 ədəd mobil telefon oğurlayıblar. A.Zeynalova oğurluq əməllərindən sonra hadisə yerlərini tərk edərkən kameralardan yayınmaq üçün xüsusi geyimlərdən istifadə edib.

Bundan başqa, Nərimanov rayonunda 2500 manat dəyərində moped oğurlayan əvvəllər məhkum olunmuş Şamil Şıxaliyev və Şirin İsmayılov da saxlanılıblar.

Rayonda aparılan profilaktik tədbirlər zamanı son bir neçə gün ərzində vətəndaşlarda saxlanılan 6 ədəd tüfəng könüllü olaraq polisə təhvil verilib.