Əməyin mühafizəsi və təhlükəsizlik qaydalarına dair maarifləndirmə təlimi keçirilib (DƏMX).



Naxçıvan şəhər H.Cavid adına 5 nömrəli tam orta məktəbdə “Əməyin mühafizəsinə dair ümumi tələblər, istehsalatda baş verən bədbəxt hadisələr, yanğın təhlükəsizliyi və ilk yardım qaydaları” mövzusunda növbəti maarifləndirmə təlimi təşkil olunub.
Azturkxeber.az-a verilən məlumata görə, Əməyin Mühafizəsi Mərkəzinin Naxçıvan filialı və “Naxçıvan Təlim Mərkəzi” publik hüquqi şəxsin birgə təşkilatçılığı ilə keçirilən təlimdə 61 nəfər iştirak edib.
Tədbir çərçivəsində iştirakçılara əməyin mühafizəsi üzrə ümumi tələblər, sağlam və təhlükəsiz iş mühitinin yaradılması, müəssisələrdə norma və qaydaların tətbiqi, eləcə də yeni qəbul edilmiş standartlar barədə ətraflı məlumat verilib. Həmçinin Mərkəzin fəaliyyət istiqamətləri iştirakçıların diqqətinə çatdırılıb.
Təlimin sonunda iştirakçıların sualları cavablandırılıb, mövzu ətrafında fikir mübadiləsi aparılıb.
Mətndə səhv var? Onu siçanla seçin və Ctrl+Enter düyməsini basın.
Teqlər: