“Azərbaycan Dəmir Yolları” (ADY) 2026-cı ilin yanvar–mart aylarında ötən ilin eyni dövrü ilə müqayisədə sərnişin daşımalarında 24% artım qeydə alıb.

Azturkxeber.az xəbər verir ki, ADY mətbuat xidmətindən verilən məlumata görə, hesabat dövründə ən çox istifadə olunan istiqamətlərdən olan Bakı–Qazax–Bakı marşrutu üzrə 102 723 nəfər, Bakı–Balakən–Bakı marşrutu üzrə isə 21 812 nəfər sərnişin səfər edib. Bu marşrutlar üzrə sərnişin sayında müvafiq olaraq 8% və 18% artım müşahidə olunub.

Eyni zamanda, 2026-cı ilin mart ayında daşınmış ümumi sərnişin sayı 2025-ci ilin analoji dövrü ilə müqayisədə 27% çox olub.