Daxil olmuş sorğulara cavab olaraq bildirilir ki, bu gün saat 9-da Xızı rayonu ərazisində “Niva” və “Toyota Camry” markalı avtomobillər toqquşub.

Baş Prokurorluğun mətbuat xidmətindən verilən məlumata görə, hadisə nəticəsində hər iki avtomobilin sürücüsü, o cümlədən “Toyota Camry” markalı avtomobilin içərisində sərnişin qismində olmuş Xızı rayon prokuroru Xəyalə Aslanova müxtəlif dərəcəli xəsarət alıb.

Zərərçəkmiş şəxslərin vəziyyəti qənaətbəxşdir və hazırda xəstəxanada müalicələri davam etdirilir.

Faktla bağlı Siyəzən Rayon Prokurorluğunda araşdırma aparılır.