105 saylı Tovuz–Gədəbəy seçki dairəsi üzrə Milli Məclisin deputatı Arzu Nağıyev iyulun 11-də Tovuz rayonunun Qovlar şəhərində vətəndaş qəbulu keçirib.

Azturkxeber.az-ın məlumatına görə, qəbul zamanı vətəndaşların müraciətləri əsasən sosial təminat, məşğulluq, mənzil və digər məsələləri əhatə edib.

Vətəndaşların müraciətlərini dinləyən deputat qaldırılan məsələlərin aidiyyəti dövlət qurumları qarşısında qaldırılacağını, onların həlli istiqamətində zəruri tədbirlərin görülməsi üçün müvafiq addımlar atacağını bildirib.

Qeyd olunub ki, vətəndaş məmnuniyyətinin təmin edilməsi məqsədilə bölgələrdə vətəndaş qəbulları mütəmadi olaraq davam etdiriləcək.

Növbəti qəbulların vaxtı və keçirilməsi barədə məlumatları Milli Məclisin rəsmi internet saytından izləmək mümkündür.