Dünyanı sunami kimi bürüyən bu şok dalğanın yaratdığı dağıntıların miqyasını hələ də dəqiq qiymətləndirmək mümkün deyil. Bir ovuc vəhşi kapitalist isti pullara hökmranlıq edərək milyardlarla insanın haqqını mənimsəyir, böyük mənfəətlər əldə edir və sərvətlərini daha da artırır.

Azturkxeber.az xəbər verir ki, bu fikirləri Rəcəb Tayyib Ərdoğan Nazirlər Kabinetinin iclasından sonra keçirilən brifinqdə səsləndirib.

Eyni zamanda, Ərdoğan Türkiyənin mövcud böhranın öhdəsindən təhlükəsiz şəkildə gələcəyinə əmin olduğunu bildirib. O qeyd edib ki, böhran başa çatdıqdan sonra Türkiyə yoluna əvvəlkindən daha güclü şəkildə davam edəcək.