Milli Məclisin sədr müavini Rafael Hüseynov və deputat Elnarə Akimova aprelin 5-də Özbəkistanın Daşkənd şəhərinə səfər edəcəklər.

Azturkxeber.az xəbər verir ki, bu barədə Milli Məclisin Mətbuat və ictimaiyyətlə əlaqələr şöbəsindən məlumat verilib.

Deputatlar burada “Nizami Gəncəvi və Əlişir Nəvai paralelləri” beynəlxalq konfransında, “Birinci Türkoloji Qurultay – uzaq keçmişimizdən uzaq gələcəyə” adlı elmi-praktik konfransda və bir sıra mədəni-maarifləndirici və elmi tədbirlərdə iştirak edəcəklər.

Özbəkistandakı Heydər Əliyev adına Azərbaycan Mədəniyyət Mərkəzi, Nizami adına Özbəkistan Milli Pedaqoji Universiteti, Daşkənd Dövlət Şərqşünasliq Universiteti və Özbəkistan-Azərbaycan Dostluq Cəmiyyətinin birgə təşkilatçılığı ilə keçiriləcək tədbirlərdə türk xalqlarının tarixinə və ədəbiyyatına dair məruzələr dinləniləcək, müzakirələr aparılacaq.