Ermənistanın baş naziri Nikol Paşinyanın həyat yoldaşı Anna Akopyan onunla ayrıldığını və hökumətə məxsus iqamətgahlardan köçdüyünü bildirib.

Azturkxeber.az xəbər verir ki, bu barədə erməni KİV-ləri məlumat yayıb.

Yayılan məlumata görə, Akopyan qeyd edib ki, vətəndaş nikahının başa çatması ilə bağlı paylaşımı onların birgə yaşayışına son qoyulması deməkdir, nikahın rəsmi şəkildə VVAQ-da (ZAGS) qeydiyyata alınması ilə bağlı deyil.

Onun sözlərinə görə, bundan sonra kirayə mənzildə yaşayacaq. Bildirib ki, aldığı mənzil hazırda tikinti mərhələsindədir. Yaşayış xərcləri ilə bağlı isə Akopyan hesabında 5 milyon dram vəsait qaldığını açıqlayıb.

O, həmçinin “Mənim addımım” fondunda fəaliyyətini davam etdirmək istədiyini vurğulayıb. Bununla belə, Akopyan bu fəaliyyətinə görə cinayət məsuliyyətinə cəlb oluna biləcəyini də istisna etməyib.