Bu gün işğaldan azad edilmiş Muxtar kəndi ərazisində mina insidenti qeydə alınıb. Hadisə Xocalı rayonu ərazisində baş verib.

Bu barədə Azturkxeber.az-a Azərbaycan Minatəmizləmə Agentliyi (ANAMA) tərəfindən məlumat verilib.

Məlumata görə, qurumun əməkdaşı Çobanov Vasif Fizuli oğlu (2000-ci il təvəllüdlü) xidməti vəzifəsini yerinə yetirərkən piyada əleyhinə minaya düşüb.

Partlayış nəticəsində Vasif Çobanov sol əlindən və üz nahiyəsindən xəsarət alıb. Yaralı dərhal rayon xəstəxanasına təxliyə olunub.

Hazırda onun vəziyyəti qənaətbəxş qiymətləndirilir, həyatına təhlükə yoxdur.