Korrupsiya ilə əlaqədar hüquqpozmalar barədə məlumat verən şəxsə və ya onun yaxın qohumuna qarşı hədə-qorxu gəlmək, təzyiq göstərmək, maddi və ya mənəvi ziyan vurmaq, təhqir və təhdid etmək, habelə şərəf və ləyaqətini alçaltmaq qadağandır.

Korrupsiya ilə əlaqədar hüquqpozmalar barədə məlumat verdiyinə görə işçiyə birbaşa və ya dolayı yolla qisas almaq məqsədilə tənbeh tətbiq edilə bilməz, əmək müqaviləsinə xitam verilə bilməz, vəzifədən azad edilə bilməz, başqa işə keçirilə bilməz, əməkhaqqından qanunsuz tutulmalar aparıla bilməz, vəzifədə irəli çəkilməyə və ya həvəsləndirilməyə aktiv və ya passiv formada maneçilik törədilə bilməz, həmçinin işçi mənfi cəhətdən xarakterizə edilə bilməz.

Korrupsiya ilə əlaqədar hüquqpozmalar barədə məlumat verən şəxsə qisas almaq məqsədilə hər hansı tədbirin tətbiq edildiyinə dair dəlillər irəli sürüldükdə, həmin dəlillərin təkzib edilməsi işəgötürənin üzərinə düşür.