Ətraf mühitin mühafizəsinə töhfə vermək, cəmiyyətdə ekoloji məsuliyyəti artırmaq və ictimai iştirakçılığı təşviq etmək məqsədilə Ekologiya və Təbii Sərvətlər Nazirliyini təşkilatçılığı ilə keçirilən "Təmiz ölkəm" təmizlik aksiyası növbəti dəfə Xəzər dənizinin Şüvəlan sahilində təşkil olunub.

Nazirliyin mətbuat xidmətindən  verilən məlumata görə, “Neqsol” şirkətinin nümayəndələrinin və könüllülərin iştirak etdiyi aksiya zamanı iştirakçılar ümumilikdə 450 kiloqramdan artıq tullantını sahil zolağından təmizləyiblər.

Qeyd edək ki, ekoloji şüurun artırılmasına yönəlmiş təmizlik aksiyaları mövsüm boyu Bakıda və regionlarda hər həftə davam etdiriləcək.