2030-cu ilədək “Yaşıl Səudiyyə” təşəbbüsü çərçivəsində 100 milyon manqrov ağacının əkilməsi planlaşdırılır.

Səudiyyə Ərəbistanının Bitki Örtüyünün İnkişafı və Səhralaşmaya qarşı Mübarizə Mərkəzi bu təşəbbüs çərçivəsində indiyədək artıq 52 milyon ağac tinginin əkildiyini bildirib.

Manqrov meşələri özündə bir çox funksiyanı birləşdirən bütöv ekosistemlər sayılır. Onlar quşlar, balıqlar və digər dəniz canlıları üçün təbii yaşayış mühiti yaradaraq bioloji müxtəlifliyin artırılmasına töhfə verir. Bu ağaclar karbon qazını udmaq və saxlamaq baxımından yüksək qabiliyyətə malikdir. Manqrov meşələri sahilyanı icmalar üçün əhəmiyyətli iqtisadi resurs da sayılır. Bu ağaclar qida dəyəri yüksək bal verən çiçəklərə malikdir.

Bu çərçivədə, Səudiyyə Ərəbistanında Qırmızı dəniz və Körfəz sahillərində milyonlarla manqrov ağacının əkilməsi üçün bir sıra təşəbbüs və layihələr həyata keçirilir.