Türkiyənin Gürsu İpekyolu məhəlləsindəki Gürsu TOKİ yaşayış kompleksi ilə Kestel rayonunun Ağlaşan məhəlləsi arasında yerləşən meşəlik ərazidə axşam saatlarında başlayan yanğının söndürülməsi üçün işlər fasiləsiz şəkildə davam etdirilir.

“Anadolu Agentliyi“nin məlumatına əsasən küləyin təsiri ilə sürətlə yayılan alovlara müdaxiləyə vətəndaşlar da dəstək verir.

Gecə boyunca 1777 nəfərlik şəxsi heyət və 688 texnika ilə fasiləsiz davam etdirilən yanğının nəzarət altına alınması üçün səhərin açılması ilə havadan müdaxilə də yenidən başlayıb.

Meşə Təsərrüfatı Baş İdarəsinin inventarına daxil olan 3 helikopter və 3 yanğınsöndürmə təyyarəsi də havadan müdaxiləni davam etdirir.